Randau: Ujan enggau Pisbup

Amai ka ari tu ujan... siang malam, baka ke nemu aku benong tusah, sediss ga ari tu; engka Tuhan enggai meda aku nyabak kediri, nya meh sama nyabak enggau aku; merindang ati enggau lagu Angela Lata Jua..Ujan Ke Ganti Ai Mata Ku.

Saritu, ba pisbup begau bala mensia "amai ke enda pisbup ka di tutup?" Nadai founder Facebook "Mark Z" ka rugi nutup FB, kitai tu ke meri iya terbilang, kaya raya ba dunia tu, dini iya ka nutup. Rindu ga ninga randau bala kaban, bakani idup sida nadai FB ti amai di tutup?

Ko penemu aku.. bisi pemanah enggau penyaie ga FB tu. Siti pemanah iya, kitai ulih berandau enggau bala kaban kitai ke jauh ari kitai, baka diau ba menua ribai.. munyi ko mak aku madah ke aku sarinya, "nyamai amai kita diatu ulih berandau enggau diri madi, taja diau jauh ari pangan diri ni ke ba Scotland, England" sambil meda gambarx2 sida dedin, ti kelia nadai utai bakatu" ko iya.

Nama utai enda manah, ba FB tu.. kitai ka leka enda ingat ke pengawa rumah, nembiak skula enda ingat ke "homework", enggai belajar, enggai pansut ari rumah, jauh ka main ba luar baka kitai kelia bala nembiak kemaia ari tu.. ni enda sida majak gemuk ketegal nungga skrin kampita tiap ari, tiap jam. Ti zaman kelia, kami sekawan maia lemai ari selalu main ba reban manuk, main "tinting", hide&seek, nadai peduli ke 'taik manuk' bau.. ni ke ngaga rumah ba atas pun kayu jambu, udahnya main "kawin olokx2" siko nyadi apai, siko nyadi indai, anak patung kira anakx2..(geli ati ingat ke main agik biak suba), main baseball..ba kitai kelia jauh sihat serta "slim-river", laban maioh agik main outdoor activities ti di banding enggau nembiak kemaia ari, really missed those times, it was fun, we get dirty, ti maia ujan, biar berakit, merau ba longkang, nadai meh sakit (antik ari ke ujan). Diatu nadai meda nembiak main maia ujan, semua dalam rumah main games ke bisi dalam computer, kitai ke tuai apa kurang ti udah rindu duduk nungga skrin kampita.. ngasuh mata majak rabun. .. Really bad for our health if prolonged, nemux2 meh kitai nge-limit diri empu ari duduk nungga kampita... go for outdoor activities like jungle-trekking, scuba diving etc.. etc..and enjoy a healthy lifestyle.

telih ba jari ulih di peda, telih di ati nadai orang nemu...taja mulut senyum.. munyi ko lagu Stella Philip "Mulut Senyum, Ati Merinsa".